Бүгін шаһарда "Жүргізуші, назар аудар!" атты алдын алу шарасы өтті. Акция кезінде жол инспекторлары жол апатына түскен көлікті эвакуаторға тиеп, басты даңғылдар, көшелермен алып өтті. Ондағы мақсат көлік роліндегі жүргізушілердің назарын аударту. Дауыс зорайтқыш құрылғының көмегімен өткен бес айда облыс аумағында болған жол-көлік оқиғалары, одан зардап шеккен, қаза тапқандар туралы хабарланды. Жолда жүру ережесін сақтау – баршаның міндеті. Бүгінгі көлік қаптаған заманда балалар тұрмақ, ересектер қатары да жолда жүру ережесін сақтамай жатады. Мұны соңы қайғылы жағдайға душар етуі мүмкін. Бүгінгі акцияда жол инспекторлары жүргізуші мен жаяу жүргіншілерге өзінің де, өзгенің де өміріне жауапкершілікпен қарауға шақырды. Өңірде соңғы бес айда 190-нан аса жол-көлік апаты болып, 30 адам көз жұмған. Полицейлер мұны жүргізушілердің жол ережесін сақтамауынан көрсе, бірі сапасыз жолдың да әсері бар, дейді. Сондай-ақ, жүргізушілердің балаларға қауіпсіздік белдігін тақпауы, арнайы автокреслоға отырғызбауы да алаңдатады, – дейді жергілікті полиция басқармасы бастығының орынбасары Айдос Құлжанов. Жыл басынан бері полиция қызметкерлері барлығы 6 жарым мыңнан астам жол қозғалысы ережесін бұзу дерегін анықтаған. Нәтижесінде мыңнан аса жүргізуші әкімшілік жауапкершілікке тартылған. Көлікті мас күйде басқарған 77 жүргізуші ұсталған. Жол ережесін өрескел бұзған 70 көлік иесінің үстінен сотта іс қозғалған.