Бүгіннен бастап елімізде сегіз және одан көп баласы бар отбасылардың жәрдемақысы ұлғаяды. Ағымдағы жылы 13- мамырда президент қолданыстағы жәрдемақыны өсіруді көздейтін заңға қол қойды. Жаңа заңнамалық өзгерістерді халық қалай қабылдады? Бүгін Қасым-Жомарт Тоқаевтың "Ана мен баланы қорғау туралы Қазақстан Республикасының заңнамалық актілеріне кейбір өзгерістер мен толықтырулар енгізу" туралы заңы күшіне енді. Оған сәйкес енді сегіз және одан көп баласы бар отбасыларға әр бала үшін 4 АЕК мөлшерінде жәрдемақы төленеді, яғни 11 112 теңге. Бұрын соңды олар жеті балаға тиесілі мөлшерде жәрдемақы алып келген еді. Жаңалыққа ақтөбеліктер өз пікірлерін білдірді. Атап өтейік, аталған отбасыларға қаңтар мен маусым айлары аралығындағы айырмашылық та төленетін болады.