Облыс әкімі Оңдасын Оразалин қала жолдарының құрылысы, көшелердің абаттандырылуы және көшелерді жарықтандыру жұмыстарының барысымен танысты.
Бүгінде Гарнизонная көшесінде ұзындығы 739 метрлік автокөлік жолын күрделі жөндеу жұмыстары аяқталуға жақын. Бұдан бөлек "КТП" ЖШС аталған көшеде ұзындығы 1100 метр болатын тротуар мен жол жиегіне көлік аялдайтын қалталар салып, жарықтандыру жұмыстарын жүргізеді. Биыл қалада барлығы 45 көше жөнделуі тиіс. Тақырыпты тілшіміз тарқатады.Гарнизонная көшесі қаланың көне бөлігінде. Алматы ауданына қарасты. Жобаның құны 160 миллион теңге. Бұрын соңды жол бойында көлік аялдайтын қалташалар болмаған. Енді ескеріліп жатыр. Биыл қалада барлығы 45 көше жөнделуі тиіс. Соның бірі "Қисық көл" деп аталып кеткен аумақтағы автокөлік жолы. "Tolagai-2050" серіктестігі жұмысшылары 1987 метр жолға асфальт төсейді.Одан әрі өңір басшысы Оңдасын Оразалин Ә.Молдағұлова даңғылы бойындағы "Қазақстан темір жолы" басқармасы ғимаратының алдындағы гүл бағын аралады. Жоба құны 39 миллион теңге. Жөндеу жұмысына жауапты "Qala invest" ЖШС 12 мың шаршы метр суару жүйесін орнатып, көгалдандыру, жарықтандыру жұмыстарын жүргізді. Жаяу жүргіншілер жолы төселіп, балалар алаңы жасақталған. Мердігер компания барлық атқарылған жұмысқа 2 жыл кепілдік береді.Облыс әкімі триатлон паркінің абаттандыру жұмыстарын тексерді. Онда спортпен айналысатындар үшін барлық жағдай жасалған. Мәселен, саябақта жүгіретін және велосипедпен жүретін жолдар салынған. Арка тәрізді бірегей LED-экран орнатылып, жарықтандыру және суару жүйелері жолға қойылды. Тұрғындардың сұрауымен жаяу жүргіншілер жолы да салынған. Биыл жоспарға сай 220 аула абаттандырылып, 67 балалар алаңы орнатылды. Сондай-ақ қалабасы биыл аулаларды жарықтандыру жұмыстарына ерекше назар аударылғанын атап өтті. Мәселен, былтыр осы мақсатта 200 миллион теңге жұмсалса, биыл қаражат көлемі екі есе артқан. Өңір басшысы тексеру кезінде қала әкімі Асхат Шахаровқа жол жөндеу жұмыстарының сапалы әрі уақытылы аяқталуын қадағалап отыруды тапсырды.