Бүгін қалалық жұмыспен қамту және әлеуметтік бағдарламалар бөлімінде бос жұмыс орындарының жәрмеңкесі өтті. Жұмыс іздеп келген тұрғындарға 20 компания 4300 бос жұмыс орындарын ұсынды.Жыл басынан бері үшінші рет өткізіліп отырған бос жұмыс орындары жәрмеңкесінің мақсаты - төтенше жағдай режимі мен карантин кезеңінде жұмыссыздық деңгейінің өсуіне жол бермеу. Бүгінгі жәрмеңкеге "Ерхат жолдары", "Мунайгазинжиниринг" , "Өтес" , "Байсын-А" серіктестіктері және т.б. жұмыс берушілер қатысты. Барлығы 20 компания 4300 бос жұмыс орнын ұсынды. Жалақы көлемі 85 мыңнан 150 мың теңгеге дейін. Бүгінгі жәрмеңкеге жұмыс іздеп келген қала тұрғыны Сәуле Исмайлова бірнеше ай бұрын жұмыспен қамту орталығына жұмыссыз ретінде тіркелген. Бүгін жәрмеңкеге келіп, жұмыс берушілердің ұсынысын тыңдаған ол, екі-үш компанияға шақырту алғанын айтады. Жұмыс берушілер мен жұмыс іздеушілердің электронды еңбек биржасы порталында бүгінгі таңда Ақтөбе қаласы бойынша 1500 бос жұмыс орындары мен 3800 түйіндемелер орналастырылған. Ал, қалалық жұмыспен қамту орталығында 2906 жұмыссыз тіркелген. Оның ішінде 1267-сі "Еңбек" бағдарламасы аясында қоғамдық жұмыстарға бағытталғандар.