Бүгін облыстық "Алақай" қуыршақ театрында жаңа маусым ашылды. Театрдың биылғы маусымда балаларға тартуы көп. Кішкентай көрермендеріне жаңа қойылымдар дайындаған. Қоржындарында 85-тен астам спекталь бар. Әр маусым сайын 3 жаңа спекталь қосып отырады. Бүгінгі театр маусымы орыс халық жазушысы Самуил Маршактың «Мысық үйшігі» спекталімен ашылды. Қойылым мазмұны өрттің алдын алуға бағытталған. Бүлдіршіндерді өрттен сақтаудың жолдары тетар тілінде көрсетілді. Қойылымды көрген бүлдіршіндер дән риза. Жаз бойы көрмеген қуыршақтармен қауышқан кішкентай көрермендер үшін келесі жазға дейін "Алақайдың" есігі айқара ашық. Театр әртістерінің Ақтөбенің 150 жылдығына арнаған тартулары да жоқ емес. Мерейтой шеңберінде келесі айда ұжым Қазақстаннан бөлек көрші мемлекеттерге гастрольдік сапармен аттанады. Қазір Қырғызстан, Өзбекстан сапары қарсаңында үлкен дайындық жүріп жатыр. Бұдан бөлек облыстық театр «Қуыршақ керуеніне» қатыспақ. Ұжым жоба аясында Коми Республикасы, Сыктывкар қаласында өтетін халықаралық жарысқа қатысады. Президент Қасым-Жомарт Тоқаев өз жолдауында биыл да мәдениет саласына көңіл бөлініп, жағдай жасалатынын айтқан еді. «Бұл бізге үлкен жауапкершілік жүктейді. Мәдениет саласының дамуына үлес қосуға әзірміз»-, дейді театр басшысы Әсия Құрманалина. Театрдың тарихы тереңде. Биыл 34-мауысымын ашты. Қазір театр қоржынында 85-тен астам спекталь бар. Оның 45-і жыл сайын тұрақты түрде қойылып келеді.