"Ақтөбе" радиосына 24 жыл

Бүгін "Ақтөбе " радиосының туған күні. Осыдан 24 жыл бұрын, дәл осы күні 101 де 4 жиілігіндегі радио эфирге алғаш рет шықты. Сағат сайын жаңалықтар таратып, "Сазды сәлем" құттықтау сазды бағдарламасымен көпшіліктің жүрегінен орын алды. "Көңілді кеш", "Қала сізбен байланыста" атты әзілі аралас интерактивті шығарылымдар ақтөбеліктердің сүйікті радиохабарына айналған. "Ақтөбе" радиосы бүгін туған күнін тойлауда. Салтанат- 5 жылдан астам осы радиода жұмыс жасайды. Жұмыс орным екінші үйім, ал әріптестерім отбасым сияқты болып кетті дейді. Жұмысым өте қызықты, журналист болып халыққа ақпарат таратамын, тағы бірде құттықтау бағдарламасын жүргізіп, халықтың қуанышымен бөлісемін дейді ол. Салтанат Амандықтың мамандығы журналист. Ол Қ.Жұбанов атындағы Ақтөбе университетінің, филология факультеті журналистика кафедрасын бітірген. Қазір "Ақтөбе" радиосында 15 адам бар. Барлығы бір отбасының балаларындай. Бұл жердегі атмосфераның өзі ерекше деп бөліседі олар. Ай сайын қазақ, орыс тілдерінде 10 шақты бағдарлама шығады. Спорт, денсаулық, мәдениет пен авто-жаңалықтар тыңдармандардың сүйіп тыңдайтын бағдарламалары.
Количество показов: 601
Дата создания: 08.12.2023 23:03:37