№9-мектеп-гимназия оқушылары жаппай уланып қала жаздады. Кеше кешкі сағат 7-де гимназия жертөлесіне дезинсекция жұмыстары жүргізілген. Бұл уақытта ғимаратта 4 бірдей сыныпқа сабақ жүріп жатқан. Алдын ала ешкімге ескертпестен жәндіктерді улау жұмыстарын жүргізіп, дезинсекторлар кетіп қалған. Ал ғимараттағылардың бірі жертөледен үшінші қабатқа дейін көтерілген түтінді ұялы телефонына түсіріп, әлеуметтік желіге салған. Оны көрген ата-аналар даурығып жатыр. №9-мектеп-гимназиясының жертөлесінде шыбын-шіркей, қоңыз, тышқан секілді жәндіктерге қарсы улау жұмыстары кеше кешкі жетіде жүргізіледі. Бұл уақытта 4 бірдей сыныпқа сабақ жүріп жатқан. Дезинсекторлардың одан хабары болда ма, жоқ па , белгісіз. Олар өз шаруасын бітіріп, кетіп қалған. Ал жертөледен шыққан түтін мектептің үшінші қабатына дейін тарап кеткен. Мұны мектептегілердің бірі ұялы телефонына түсіріп, әлеуметтік желіде таратады. Оны көрген ата-аналар ашуланып жатыр. Оқушылар сабақтан 1,5 сағаттан кейін тараған. Бұл оқиғадан ешкім де зардап шекпеген. Алайда ата-аналар балаларының денсаулығына алаңдап отыр. Ал облыстық санитариялық-эпидемиологиялық бақылау департаментіндегілер бұл шара бізбен келісілмеген дейді. Жалпы департаменттің келісімі де қажет емес. Мектеп пен дезинсекция жүргізетін мекеме арасындағы келісім жеткілікті. Ғимарат ішіндегі түтін бүгін де сейілмеген. Алайда бастапқыда жәндіктерге қарсы улау жұмысын жүргізуші мекеме жұмысшылары химиялық қоспаның айналаға тарамайтынын, одан адамдарға зиян жоғын ескерткен. Эвакуация сондықтан жүргізілмеген көрінеді. Облыстық санитариялық-эпидемиологиялық бақылау департаменті осы жағдайға қатысты тиісті шаралар қабылданатынын жеткізді. Дезинсекция жүргізген мекеменің жұмыстары бастан-аяқ тексеріледі. Мектепте қандай препарат қолданылғаны белгісіз.