Бүгін- халықаралық бағбандар күні. Ақтөбе қаласы бойынша қазіргі таңда 30 мыңнан астам саяжай учаскесі тіркелген. Олардың тұтастай алғанда жалпы аумағы — 2 603 гектар. Ал онда ұзын саны 392 саяжай ұжымы орналасқан. Бағбандардың қандай мәселелері бар? Тәжірибелі бағбан Валентина Дынниктің айтуынша, бау-бақша ісімен айналысатындар өнімін әлі күнге арнайы орында сата алмай келеді. Жаңадан піскен көкөніс пен жеміс-жидекті саудалауға мүмкіндік жоқ. Клавдия Андреева бұл саяжайда 40 жылдан бері еңбек етеді. Өзінің өмірін өзенсіз елестете алмайды. Кәсіби бағбан бұл жерде көкөністің түрін егеді. Жеміс ағаштары жайқалып тұр.
"Майская" бау-бақша ұжымында 100-ден аса үй бар. Көпшілігі бұл жерлерде қыстамайды. Ондай уақытта бос үйлерді ұжым төрағасы қарауылдайды. Көктем шыға саяжай өмірі қайта жанданады. Саяжай иелері тазалық жұмыстарын қатты сақтайды. Дегенмен, ақтөбелік бағбандар алғашқы өнімді әлдеқашан жинап бастаған. Қазір базарлар мен дүкендерде өзіміздің саяжайлар өнімдері өте көп. Картоп, сәбіз, қырыққабат, жидектерге сұраныс жоғары. Әсіресе қарақатты көп сұрайды. Биыл шаруалар қауын-қарбызды молынан еккен. Тамыз айының ортасынан өнім әбден піседі. Бағбандардың айтуынша, бұрын алқапты арық қазып суарып келсе, соңғы екі жылда құрғақшылық салдарынан бұл әдіс жарамсыз болып қалған. Отбасымен бірге осы кәсіпке маманданған Валентина Дынник табиғи таза өнім керек болса, жалқаулықты қойып жермен айнасылу керек дейді. Расында да қазір облысқа келетін көкөніс пен жеміс-жидектің 70-80 пайызы оңтүстік өңірлерден әкелінеді. Сондықтан жергілікті билік суармалы жерлерді көбейтуді өсімдік шаруашылығымен айналысып отырған құрылымдарға талап ретінде қойған. Бүгінгі таңда 21 мың гектардан астам суармалы жерлер қолданысқа берілген.