1- наурыз криминалист полицейлер күні

Облыстық ПД криминалдық полиция бөліміне 105 жыл толды . 1- наурыз криминалист полицейлер күні. Соған орай ПД мамандары жас офицерлер мен ардагер мамандарды марапаттады. Одан бөлек жас офицердің ата аналарына алғыс хат табысталды.
Криминалист мамандығы сырт көзге қарапайым мамандық болып көрінгенімен, оны толық игеріп, білікті маман болу үшін әр адамнан тынымсыз ізденісті талап етеді. Өйткені, күнделікті орын алып жатқан қылмыстардың ізін суытпай, тез арада ашылуына криминалистиканың тигізер септігі мол.Қылмыс ашуда криминалистердің атқаратын жұмысы өте жауапты. Осы орайда, сала ардагері Қайрат Ділмағамбетов өз мамандығы жайлы аз-кем сыр бөлісті. Зейнеткер 30 жылдан астам аға криминалист болған. Ардагер тәртіп сақшысы бүгін криминалист мамандарын шын жүрегімен құттықтап, алғысын білдірді. Және болашақ мамандарға жаңа шыңдарды бағындыруға, тапсырылған міндеттерді қайтпас табандылықпен орындауға тілегін арнады.

Количество показов: 319
Дата создания: 02.03.2024 01:37:57