Қ.Жұбанов атындағы Ақтөбе өңірлік университетінде "Ғылым айлығы" өтіп жатыр. Бүгін ресми ашылу салтанатында техникалық факультет ғимаратында университет жетістіктерінің ғылыми көрмесі ұйымдастырылып, оқу орнының басшылығы өңірдегі бірнеше ірі кәсіпорындармен ынтымақтастық меморандумына қол қойды.Қ.Жұбанов атындағы Ақтөбе өңірлік университетінде жыл сайын дәстүрлі түрде 12-сәуір - ғылыми қызметкерлер күніне орай ғылым апталығы ұйымдастырылады. Ал, биыл бұл шара бір айға ұласады. Ғылым айында 55-тен астам іс-шара өткізу жоспарланған. Олардың ішінде ғылыми конференциялар, ғылыми семинарлар, уоркшоптар, облыстық жобалар сайысы, пәндік олимпиадалар бар. Бүгін айлықтың ресми ашылу салтанатында техникалық факультет ғимаратында университеттің жетістіктерінің ғылыми көрмесі ұйымдастырылып, өңіріміздегі алдыңғы қатарлы компаниялар - "Қазақойл Ақтөбе" ЖШС, "Батыс-Мұнай" ЖШС және "A-Textile" ЖШС мен С.Бәйішев атындағы облыстық әмбебап ғылыми кітапханасымен, Ақтөбе жоғары политехникалық колледжімен ынтымақтастық туралы меморандумға қол қойылды. Білім ордасында "Ғылым айында" ұйымдастырылатын тағы бір маңызды шаралардың бірі - "Ғылыми жобалардың постер сессиясы және библиофреш", "Zhubanov Science" подкасттар сериясы көпшілікке жол тартады. 4-сәуірде бастау алған ғылым айлығы 29-сәуірге дейін жалғасады.