Коронавирусқа қарсы жасалған отандық вакцина екі кезеңнен тұратын сынақтан өтті. Осы кезде індетке қарсы қорғаныс құралының зиянды тұстары байқалған жоқ. Керісінше, қазір қауіпті дерттің өршуін тоқтату үшін мұнан басқа тиімді әрекет болмай тұр. Бүгін Мемлекет басшысы Қасым-Жомарт Тоқаевтың қабылдауында болған Премьер министр Асқар Мамин осындай мәлімдеме жасады. Сынақтың үшінші фазасы наурыз айының соңында аяқталады. Осы кезеңде өз еркімен 3 мыңға тарта адам вакцина қабылдайды. Мемлекет басшысы Ресей мен Қазақстан бірігіп шығаратын вакцинаны қабылдау да таяу күндері іске асырылатынын айтты. Ал, ақтөбеліктер жаңа вакцинаны қабылдауда аса сақ болған жөн деп есептейді.