Ел тыныштығын күзетіп жүрген азаматтар құрметке бөленді
Ел тыныштығын күзетіп жүрген азаматтарға бүгін құрмет көрсетілді. Облыстық жастар ресурстық орталығының ұйымдастыруымен "Ел қорғаны ер азамат" атты салтанатты марапаттау кеші өтті. Қауіпсіздік пен бейбіт өмірді қамтамасыз ету жолында аянбай еңбек етіп жүрген жандардың еңбегі бағаланып, ерліктері жастарға үлгі етілді. Кеш барысында әскери қызметкерлер, құқық қорғау органдарының өкілдері, төтенше жағдайлар қызметінің мамандары және өзге де салада қызмет етіп жүрген азаматтар марапат төрінен көрінді. Оларға арнайы алғыс хаттар табысталып, естелік сыйлықтар ұсынылды. Салтанатты жиын мерекелік концертке ұласты. Патриоттық әндер шырқалып, қатысушыларға көтеріңкі көңіл күй сыйлады. Сонымен қатар, марапат иелері сөз сөйлеп, Отанға қызмет етудің жауапкершілігі мен маңызына тоқталды. "Ел қорғаны - ер азамат" атты кеш ел қорғаны болған азаматтардың еңбегін ұлықтап, ерлік пен отансүйгіштікті дәріптеген тағылымы мол шара болды.Количество показов: 6
Дата создания: 07.05.2026 07:30:42
