Мүліктің меншік иелері бірлестіктерінің басқарушылары білімдерін жетілдіреді. Яғни бұрынғы кондоминиум, пәтер иелері кооперативтерінің басшылары өзгерістер туралы онлайн дәрістер алуы тиіс. Дегенмен күштеу болмайды. Бірақ бұл салаға жаңадан келемін деушілерге шектеу жоқ. Тек қазақ және орыс тілдерін жетік меңгерген болса болды. Осы саладағы маңызды сұрақтар бүгін "Азаматтық альянс" мекемесінде мүлік меншік иелері бірлестігінің төраға, төрайымдарының талқылауына түсті. Жиналғандар өңірде жылма-жыл шешілмей келе жатқан сұрақтар көп екенін алға тартты. Жиынға келгендер саны санаулы болғанымен бұл жерде талқыға түсіп жатқан мәселе өте күрделі. Көпқабатты тұрғынжайлардың шаруашылық жұмыстарымен айналысушы компанияларының жайы қозғалды. Бұл салада түсініспеушілік көп екенін қазіргі мүлік иелері бірлестіктері мен жай серіктестік басшылары жақсы біледі. Себебі шаһарда қанша көпқабатты үй бар болса, сонша мәселе бетке шығады. Тіпті бой көтергеніне көп бола қоймаған "Нұр-Ақтөбе", "Батыс", "Батыс-2" секілді жаңа аудандарының коммуникация желілерінде ақау жетеді. Бір қызығы дәл осы аудандарда су тоқтап, жарық өшіп, газ қосылмау проблемалары жиі орын алатын көрінеді.
Яғни, "Азаматтық альянс" мекемесі орналасқан "Тәуелсіздік" даңғылы №13 мекенжайындағы тоғыз қабатты үйдің салынғанына алты жылдан асқан. Ал бұл үйдің екі түрлі мекенжайы көрсетіліп тұр. Тоғыз қабатты үй аула жағынан "Батыс-2" ауданы "6Г" ғимараты болып таңбаланған. Ал көше жақ бетінен "Тәуелсіздік" даңғылы №13-үй. Осы секілді ірілі-ұсақты кемшіліктер әрбір үйде жиі кездесіп жатады, дейді бірлестік өкілдері. Жиналғандар қателік жібермеудегі шешім -мүліктің меншік иелері бірлестіктерінің басқарушыларын оқытуда деп отыр. Яғни бұрынғы кондоминиум, пәтер иелері кооперативтерінің басшылары өзгерістер туралы онлайн дәрістерді қазірден бастап алу мүмкіндігіне ие. Дегенмен күштеу болмайды. Бірақ бұл салаға жаңадан келемін деушілерге шектеу жоқ. Тек қазақ және орыс тілдерін жетік меңгерген болса болды. Онлайн дәрістер бірнеше ай бойы беріледі.