Кеше Хромтау қаласында ірі өрт оқиғасы орын алды. Түскі сағат 4-тер шамасында осы қаладағы "Хромтау" сауда орталығы отқа оранған. Қызыл жалын 1-ші қабатқа жапсарлас салынған көкөніс бөлімінен басталған. Қызыл жалынды сөндіруге 23 адам мен 7 техника жұмылдырылды. Тілсіз жау арада 3 сағат өткенде ғана ауыздықталды. Төтенше жағдай орын алған сауда орнында кеше санитарлық күн жарияланған. Осыған байланысты ғимаратта қызметшілерден басқа бөгде адамдар болмаған. Абырой болғанда олардың қатарында өрттен зардап шеккендер жоқ. Қазір мамандар өрттің шығу себептері мен шығындарын анықтауда.