Бау-бақша ұжымындағы жалғыз көшені су шайып кетті

Қалалық сүт зауыты ауданында " Ромашка " бау-бақша ұжымы тұрғындары мектепке балаларын жібере алмай отыр. Оған себеп мектепке апаратын жалғыз жолды су шайып кеткен. Жарақсыз жолдың жайын айтып мұндағы жұрт бұған дейін де талай табалдырықты тоздырған. Бірақ ешбірінің назарын аударта алмай отыр. Бұл "Ромашка" бау-бақша ұжымындағы жалғыз жолдың қазіргі сиқы. Мұндағы жұрт талай жылдан бері жол азабын тартып келеді. Жалғыз көшені көктем сайын су шаяды. Қазір де оқушылар мектепте, ересектер жұмысқа қатынай алмай отыр. Тіпті дәріхана, азық-түлік дүкендеріне бару үшін "ел айналып" жүруге мәжбүр.
Тұрғындар бұл аралыққа көпір салуын өтініп қала, тіпті облыс әкімдігіне хат жолдаған. Онымен әзір жауап жоқ. Қала іргесіндегі бау-бақша ұжымдары басыбайлы елді мекендерге айналып келеді. Қалада тіпті саяжайда тұрып жатқан халықтың мәселесін көтеретін ұйым да құрылғаны белгілі. Олар жуырда қалалық әкімдікте бірінші кездесулерін де өткізіп үлгерді. Мүдделі топ бау-бақша ұжымдарында инфрақұрылымды дамытуды көздейді. Жергілікті биліктен қолдау болмаса, жобалардың жүзеге асуы неғайбыл. 
Количество показов: 761
Дата создания: 27.03.2023 12:59:53