Бүгін Ақтөбеде "Анаға тағзым" рухани-адамгершілік тәрбие беру орталығы жұмысын бастады. Орталықта жас қыздарды әйелдің отбасындағы рөлін меңгеруге үйретеді. Іс тігу, тамақ әзірлеу, өнерге баулу үйірмелері бар. Орталықтың құрылысына 350 млн. теңге жұмсалған. Нысан 3 қабатты. 3-ші қабатында 3 түрлі зал бар. "Даңқты аналар" залында елге еңбегі сіңген тұлғалардың аналарының суреттері ілінген. 2-зал ақтөбелік танымал аналарға арналған. Мұнда олардың ұрпақ тәрбиесі туралы ақпарат бар. Орталыққа келген қыз-келіншектер үлгі алатын дүние көп. Залдарға қойылған экспозициялар өзгеріп тұрады. Жоба демеушілер мен қала тұрғындарының қаражаты есебінен салынған. Жалпы құны - 350 млн. теңге. Ананың ақ жаулығына ұқсатып салынған ғимараттың құрылысына 10 мың ақтөбелік үлес қосқан. Одан өзге, 300-ден аса кәсіпорын қаражат бөлген. Мұғалжар мен Шалқар аудандарындағы өндіріс ұжымдары бір күндік еңбекақыларын аударған. Әжелер ансамблі орталықтың ашылуына ризашылықтарын әнмен жеткізді. Орталықта жас қыздарды әйелдің отбасындағы рөлін меңгеруге үйретеді. Іс тігу, тамақ әзірлеу, өнерге баулу үйірмелері бар. Тіпті, кірді дұрыс жуып, киім үтіктеуді де үйрететін маман жұмыс істейді. Ұлттық және еуропалық мәдениетті қатар меңгеруге мүмкіндік бар дейді орталықтағылар. Барлық үйірмелер ақылы. Психологтар да жұмыс істейтін болады. Үйірмелер жұмысы 1-қазаннан басталады. 7-17 жас аралығындағы қыздар аптасына 3 рет 3 сағаттан тәлім алады. 20 қосымша білім беретін педагог жұмысқа алынады. "Анаға тағзым" орталығының ашылуына келген қонақтар "Болашақ аналар аллеясында" шырша отырғызды. Ағаштарға әр мейманның есімдері жазылған.