Ақтөбеде астрономиялық олимпиада басталды.

Ақтөбеде «Ғалам сенің қолыңда» деген атаумен оқушылардың ІІ Республикалық астрономиялық олимпиадасы өтуде. Шара 6-8 қараша аралығында Батыс-2 ауданында орналасқан шығармашылық акалемиясында ұйымдастырылған. Білімділер бәйгесінің мақсаты- оқушыларды ғылымға баулу, астрономия, физика, космонавтика саласына деген қызығушылықтарын арттыру, республикалық және халықаралық олимпиадаларға және астротурнирге қатысуға дайындау, еліміздің ғалымдары мен ғарышкерлерінің ерен еңбектері мен батырлық істерін дәріптеу.Республикалық астрономиялық олимпиадаға 11 облыстан 13-16 жас аралығындағы 60-қа жуық оқушы қатысады. Олимпиада барысында қатысушылар астрономия, астрофизика пәндері бойынша тапсырмаларды орындап, мектеп бағдарламасынан тыс терең білімдерін көрсетуі керек. Нұрасыл есімді қатысушы Талдықорған облысы, Жетісу қаласынан келген. Балғынның аспан әлеміне деген қызығушылығы зор. Ғарышкер болуды армандайды. Физика мен математика оның сүйікті пәндері. Бүгін ол еліміздің түкпір-түкпірінен келген, өзі сяқты мықтылармен сынға түсіп жатыр. Астрономия олимпиадасы қалалық, облыстық деңгейлерде 2009 жылдан бастап өткізіліп келе жатыр. 2022 жылдан бастап алғаш рет республикалық көлемде өұйымдастырады. Олимпиада жеңімпаздары І, ІІ, ІІІ дәрежелі дипломдармен және алтын, күміс, қола медальдармен, олардың жетекшілері алғыс хаттармен марапатталады.
Количество показов: 531
Дата создания: 06.11.2023 23:36:56