Ақтөбе облысының іздестіру қозғалысына биыл - 35 жыл.

Ақтөбелік іздестіру тобының құрылғанына 35 жыл толуына орай қалалық мәдениет үйінде "Жауынгерлік бауырластық: Даңқ, Ант.Ерлік" атты салтанатты шара өтті. Танымдық шараның ашылу салтанаты "Дело чести" деректі фильмін көрсетуден басталды. Мерекелік іс - шара қалалық мәдениет үйінің ұйымдастыруымен концерттік бағдарлаға ұласты.Қалалық мәдениет үйінің фойесінде "Жауынгерлік бауырластық" іздестіру қозғалысының "Еске алу вахтасы" кезіндегі қазба жұмыстарынан табылған экспонаттар, фото - суреттер қойылған. 35 жыл ішінде ақтөбелік іздеу жасақтары 50 ден астам экспедицияға шығып, мыңнан аса сарбаздың сүйегін тапқан.
Бүгінгі "Жауынгерлік бауырластық: Даңқ, Ант.Ерлік" атты салтанатты шараға №27 - ші, 16 - шы, 19 - шы қалалық мектептердің оқушылары, Екі мәрте Кеңес Одағының Батыры Т.Бигельдинов атындағы Әуе Қорғаныс Күштері Әскери институтының курсанттары мен Қ.Жұбанов атындағы Ақтөбе өңірлік университетінің студенттері қатысты. Ақтөбелік іздестіру тобының мүшелері мен қатысушылар Ә.Молдағұлованың мемориалдық кешенінің алдына гүл шоқтарын қойды.

Количество показов: 476
Дата создания: 04.11.2023 01:39:46