Соңғы тәулікте біздің өңірде қауіпті індетті жұқтырудың жаңа 230 жағдайы тіркелген. Оның ішінде 176 адамнан ауру симптомдары анықталды. Үй карантиніне 4600 адам алынып, емделіп жатыр. Облыстық санитарлық-эпидемиялогиялық бақылау департаменті басшысы Нұсұлу Беркімбаева тұрғындардан санитарлық талаптарды сақтауды сұрады.
Облыста былтыр наурыздан бері індетпен ауырғандар саны 14 600-ге жетті. Оның 66 пайызы ауру симптомымен тіркелген. "Ашық" жобасы бойынша 920 бизнес нысан жұмыс жасап тұр. Облыс бойынша 47 мобильдік топ күнделікті рейдтерге тартылған. Бүгінге дейін олар карантин талаптарын бұзудың 465 дерегін анықтап, мемлекетке 58 миллион теңге өндірді.
Облыстық денсаулық сақтау басқармасы басшысының орынбасары Бекболат Ізбасаров бойында тұмау белгілері бар науқастың індет пен де ауруы мүмкін екенін айтып, екпе алуға кеңес берді. Соңғы тәулікте өңірде 2 жарым мыңға жуық адам ПТР тест тапсырды. Ал, инфекциялық ауруханаларда 545 науқас жатыр. Бүгінгі күні 12 мыңнан аса науқас жазылып шықты.